AZƏRBAYCAN MİLLİ                  ELMLƏR AKADEMİYASI
YER ELMLƏRİ BÖLMƏSİ
GGİ alimləri Vyanada keçirilmiş beynəlxalq tədbirdə iştirak ediblər
Apr 16, 2019 | 01:06 / Konfranslar, iclaslar
Oxunub 639 dəfə

 

AMEA-nın Yer elmləri bölməsinin akademik-katibi, akdemik Fəxrəddin Qədirovun rəhbərlik etdiyi geoloq və geofizik alimlərindən ibarət qrup Avstriyanın Vyana şəhərində keçirilmiş dünyanın ən nüfuzlu elmi platforması hesab edilən “Avropa Yer Elmləri İttifaqının Baş Assembleyası”-nda Azərbyacanı təmsil etmişdir. 

100-dən çox ölkənin alim və tədqiqatçının iştirak etdiyi tədbirdə Geologiya və Geofizika İnstitutunun Gənc Alim və Mütəxəssislər Şurasının sədri, Yer elmləri üzrə fəlsəfə doktoru, dosent Orxan Abbasov, “Müasir geodinamika və kosmik geodeziya şöbəsi”-nin aparıcı elmi işçisi, Yer elmləri üzrə fəlsəfə doktoru, dosent Rafiq Səfərov, həmin şöbənin böyük elmi işçisi, Yer elmləri üzrə fəlsəfə dokturu Nigar Qaragözova və “Hövzə modelləşdirilməsi və geotexnologiyalar şöbəsi”-nin aparıcı elmi işçisi, Yer elmləri üzrə fəlsəfə doktoru Tofiq Rəşidov bir həftə ərzində davam edən Assambleyanın fərqli elmi seksiyalarında elmi-tədqiqat işlərinin nəticələrini müzakirə etmişlər. 

Tədbirdə məruzə edən alimlərin elmi nəticələri Assambleyanın rəsmi nəşri kimi məşhur Harvard Universitetinin veb saytında yerləşdirilir. 

GGİ-nin İctimaiyyətlə əlaqələr şöbəsi 
Əlaqə: 050 370 88 44; (012) 539 39 62
shirmamed.nazarli@yandex.ru 

Copyright © AMEA İnformasiya Texnologiyaları İnstitutu, 2015