AZƏRBAYCAN MİLLİ                  ELMLƏR AKADEMİYASI
YER ELMLƏRİ BÖLMƏSİ
GGİ-də Koronavirusa qarşı tədbirlər davam edir
Mart 13, 2020 | 10:17 / Mühüm hadisələr
Oxunub 13 dəfə

Geologiya və Geofizika İnstitutunda (GGİ) bir sıra ölkələrdə aşkarlanmış koronavirus epidemiyasına qarşı (COVID-19) tibbi-profilaktik, dezinfeksiyaedici tədbirlər həyata keçirilib.

“Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”nın icrasını təmin etmək məqsədilə GGİ-nin laboratoriya otaqlarında, konfrans zallarında, kitabxanada, bütün mərtəbələrin dəhlizlərində, tədris, həmçinin əməkdaşların fəaliyyət göstərdikləri otaqlarda, muzeydə dezinfeksiya işləri aparılıb.

İnstitutda koronavirus infeksiyasının yarada biləcəyi təhlükənin qarşısının alınması, müvafiq qabaqlayıcı tədbirlərin intensivləşdirilməsi məqsədilə davamlı olaraq işlər görülür. Belə ki, bir neçə gün əvvəl GGİ-nin Mülki Müdafiə Qərargahı bu məqsədlə xüsusi maarifləndirici tədbir keçirib. Bu elm müəssisəsinin informasiya monitorunda koronavirusla bağlı məlumatlar gündəlik olaraq yenilənir, yarana biləcək fəsadlar və ondan qorunma yolları haqqında maarifləndirici informasiyalar yerləşdirilir.

GGİ-nin İctimaiyyətlə əlaqələr şöbəsi
Əlaqə: 050 370 88 44; (012) 539 39 62
shirmamed.nazarli@yandex.ru 

Copyright © AMEA İnformasiya Texnologiyaları İnstitutu, 2015