AZƏRBAYCAN MİLLİ                  ELMLƏR AKADEMİYASI
YER ELMLƏRİ BÖLMƏSİ
İşğaldan azad edilmiş ərazilərdə geoloji təhlükələrin qiymətləndirilməsinə dair elmi-tədqiqat proqramı hazırlanıb
Yan 26, 2021 | 11:04 / Konfranslar, iclaslar
Oxunub 34 dəfə

Geologiya və Geofizika İnstitutunda (GGİ) növbəti illər üçün “Qarabağ ərazisində mövcud yeraltı hərbi kommunikasiyaların geofiziki üsullarla aşkar edilməsi və geoloji təhlükələrin qiymətləndirilməsi” mövzusu üzrə elmi-tədqiqat işinin proqram hazırlanıb.

Yeraltı boşluqların, karst mağaralarının və tünellərin axtarışı problemi hələ XX əsrin 30-50-ci illərində araşdırılmışdır. Son dövrlərdə isə “tunnel müharıbələri” termini müharibə vəziyyəti olan ölkələr arasında ciddi təhlükəli problem olaraq meydana gəlib.

GGİ mütəxəssislərin fikrinə görə, mövcud geofiziki və aerokosmik metodların əksəriyyəti yeraltı boşluqların axtarışı və aşkarlanması üçün istifadə edilə bilər. Bu baxımdan işğaldan azad edilmiş Qarabağ ərazisində işğalçı Ermənistan ordusu tərəfindən yaradılmış yeraltı tunellər sisteminin, hərbi istifadə üçün hazırlanmış yeralti anbarların-böşluqların geofiziki və aerokosmik məlumatlar əsasında aşkarlanıb xəritələşdirilməsi böyük əhəmiyyət kəsb edir.

Ona görə də boşluqları müəyyənləşdirməyə imkan verən bir neçə geofiziki tədqiqat yolu-qravitasiya, maqnit, elektrik, seysmik və radiasiya tədqiqatlar nəzərə alınmaqla müasir aerokosmik üsullarında köməyindən və müvafiq olaraq bu istiqamətdə Azərbaycanın “Azersky” peykinin imkanlarından da istifadə etmək qərara alınıb.
 

Copyright © AMEA İnformasiya Texnologiyaları İnstitutu, 2015