AZƏRBAYCAN MİLLİ                  ELMLƏR AKADEMİYASI
YER ELMLƏRİ BÖLMƏSİ
Foto
AMEA Geologiya və Geofizika İnstitutunun gənc alimi geofiziki tədqiqatlarda iştirakını davam edir
Okt 05, 2021 | 09:15 / Konfranslar, iclaslar
Oxunub 475 dəfə

AMEA Geologiya və Geofizika İnstitututun “Seysmologiya, geomaqnetizm və petrofizika” şöbəsinin böyük laborantı, Azərbaycan-Fransız Universitetinin (UFAZ) magistr tələbəsi Rəşad Abbasov geofiziki çöl işlərində iştirakını davam edib.

Bibiheybət-Şıxov sahilyanı ətrafı əhatə edən çöl işlərindən məqsədi georadar, sınma seysmik dalğalar, gravimetriya, elektrik tomoqrafiya müqaviməti (ingiliscə, Georadar (GPR, ground penetrating radar), seismic refraction, gravimetry, electrical resistivity tomography - ERT) üsulları vasitəsilə ərazinin topoqrafiyası, gravitasiya anomaliyalarını, elektrik xüsusiyyətləri, fiziki xassələri, ətraf mühitin xarakteristikasının öyrənilməsi, qruntlarda dəniz tipli çöküntüləri, intruziyaları, ərazinin strukturunu, qırılma zonalarının təyin edilməsi idi. Əldə edilən ölçülərə müxtəlif müasir proqramlar vasitəsilə emal və interpretasiya tətbiq edilmişdir. Nəticədə, ərazinin gravitasiya modeli, seysmik profili və elektrik müqavimət vahidlərini özündə ehtiva edən ERT modellər qurulmuşdur. Nəticələr hidrogeoloji, mühəndisi-geoloji tədqiqatlarda kompleks geofiziki üsulların tətbiqi baxımından əhəmiyyət kəsb edir.

Geofiziki tədqiqat nəticələri həmçinin geoloji mühitin öyrənilməsində, zəlzələlərin başvermə dinamikası arasında korrelyativ asılılıqların müəyyən edilməsində və davamlı təhlilində istifadə ediləcəkdir.

GGİ-nin İctimaiyyətlə əlaqələr şöbəsi

Əlaqə: 050 370 88 44; (012) 539 39 62

shirmamed.nazarli@yandex.ru

Copyright © AMEA İnformasiya Texnologiyaları İnstitutu, 2015