May 23, 2024 | 10:19 Görüşlər
Elm və Təhsil Nazirliyi akademik H.Əliyev adına Coğrafiya İnstitutu Beynəlxalq və ictimaiyyətlə əlaqələr şöbəsinin əməkdaşı, vikipediyanın patrulu Aida Aslanova Estoniyanın paytaxtı Tallin şəhərində keçirilən "Wikimedia Hackathon – 2024" beynəlxalq konfransında azərbaycandilli vikipediyanı təmsil edib.
Vikimedia Fondunun innovasiya və texniki layihələrin qurulmasına yönəlmiş texniki ictimaiyyəti birləşdirən "Wikimedia Hackathon – 2024" illik tədbirdən məqsəd vikimedia layihələrinin texniki aspektlərinə töhfə verməkdə təcrübəsi olan şəxsləri bir araya gətirmək və vikimedia layihələrini dəstəkləyən texnoloji infrastrukturu və proqram təminatını təkmilləşdirmək, bilik mübadiləsi aparmaq olub.
Tədbirdə dünyanın müxtəlif ölkələrindən 120 vikipediyaçı bir araya gəlib.
