Jun 13, 2024 | 11:25 Mühüm hadisələr
Elm və Təhsil Nazirliyi Neft və Qaz İnstitutunun Tədbirlər planı çərçivəsində “Yaşıl dünya naminə həmrəylik ili”nə həsr olunmuş dəyirmi masa keçirilib. Tədbirdə «Neft-qaz sahəsinin geoekoloji problemləri» şöbəsinin müdiri Fəxrəddin Kərimov, “Azərkosmos” ASC CİS (Coğrafi İnformasiya Sistemi) Mərkəzinin “Təsvirlərin emalı” qrupunun rəhbəri Aqil Əhmədov, Mərkəzin məhsul inkişafı üzrə mütəxəssisi Elman Ələsgərov, həmçinin gənc alim və mütəxəssislər iştirak ediblər.
Tədbiri Fəxrəddin Kərimov açaraq “Dəyirmi masa” iştirakçılarını salamlayaraq bildirib ki, hazırkı tədbirdə çox aktual məsələ olan iqlim dəyişmələri mövzusunda çıxışlar təqdim ediləcək, müzakirələr aparılacaq. Tədbirə dəvət edilmiş gənc alim və mütəxəssislərdən öz işlərində bu aktual məsələni və layihə təkliflərini eşitmək maraqlı olar.
Tədbirdə "Kosmik monitorinq istiqamətləri" mövzusunda “Azərkosmos” ASC CİS (Coğrafi İnformasiya Sistemi) Mərkəzinin “Təsvirlərin emalı” qrupunun rəhbəri Aqil Əhmədov və Mərkəzin məhsul inkişafı üzrə mütəxəssisi Elman Ələsgərov, “Qlobal İqlim dəyişikliyi, onlara təsir edən istixana qazları və bəşəriyyətin qlobal istiləşməyə qarşı mübarizəsi” mövzusunda Məhərrəm Mehdiyev və “Ətraf mühitin tərənnümü” mövzusunda Minə Namazova çıxış edib.
